سن یوخ ایکن سنه یازماق نئده آنلامسیز. سن یوخ ایکن سنی خیال ائدمک رویالارینلا اوچماق نه فایداسیز نه یاراماز بیر چیرپینیش . سئنسیز یاشام قارلی بیر صاباحا بئنزر، بیر سویوق قیش بورانینا، هریان سوت بایاز و قارلار لتیندا سیلینمئقه واران بیر یولچو ایزی. دایان! اوشومئه سین اللرین...

‌

بیر باشلانقیچین نقطاسی، بیر یولچولوغون ایلک آددیملاری.  بوگونلر گرگین و نیسگیل دولوسو گونلردیر، نفس سینه لرده اینله ییر، نئچه سئوگی چیچگی، نئچه آرزولار!  اومودا، آزادلیق اوغروندا یارپاق یارپاق سریلدی قارانلیق یولارین ارسینله میش یوکوشلارینا.  ایچیمده کروانلار گئچیر، آخشامام، گونون باتمیش چاغیام، اولدوزلارین نارین سیزیلتیلارینین سازلانان آنی‌یام، یورغون خیالاریمین سورولری توزلو گئدیکلری آشیب گئدیشده. چوللرده یاراپاقلار سولقون و قورو . چاتلاق ، سوز  کیراچلاردا دوداقلاریم بیر گولوشون تمناسین یالواریر.  ایچیمده پاسلانمیش آینادا ایتیب باتان سئودالار آیدین گئچمیشیمین گونشیندن پاریلتیلاری آنیمسادماقدا گوچسوز. آخشام صافاسینین بیر سرین یئلی اسدی گئچدی rاپیمدان، ساری تئلرینده یالواریر چاره سیز باخیشلارین. کیمه دئسه‌م؟ کیمین یولونون اوسته سون گوللرین یارپاقلارینی اسدیرسم یئتمز ، یئتمز  قیش بوزلارین آغلاتماغا. گوزلریمی یوموب قاناد آچسام دویغولارا .... و گوزل باخیشلاریندان مونجوق مونجوق سئوگی درسم. ال چک مندن یالواریرام نیله سم سندن کورتولسام... بوراق منی ، بوراخ ائویمه یوردوما دونسم، بوزوق یوامدا یقین باهار گوئلری فیلیز فیلیز ترله‌میش. نه گوزلدی آینادا تئلریمین آق دئنه‌لرینی ساییشیم. دوداقلاریمدا سنه بئسله‌دیغیم جومله لرین باغچاسینی بئجردیغیم. سنین ایچین خیالدان اینجه بیر کوئینک دیکتیردیم. غملی گونلرینین شافاق سویوغوندا ایستی محبت یورغانی سردیرسم حسرتینین یاتاغیندا.  چایدا اوزن آی کیمی یئم، سو سوزولور آخیر گئدیر من تکجه ییرغالانیرام آخیشیندا زامانین، داشلار سرپیلدیکجه یولوما دالغالانیرام، یوخ اولورام، پارلاق یاکاموزلارا دونشورم، یورولورام بیرله‌شیرم، دورولورام، سودا سوزن پارلاق آیا دونوشورم... دوخونما منه دوخونما... آووجوندا یئرله‌شمرم. سوزولرم دامجی دامجی گوزلریندن یاناقینا، باخیشینا آلما منی، صبر ائتملی ییز ... خینالی، اللرینی گوزله‌ییرم ، دیلکلریم، ایستکلریم سنی تاپماق ایسته ییرم! ناغیلارداکی قهرمانلار کیمی اوخلانسم... اوجا قایالاردان آتیلسام دالقالی ساحیللره، سئل منی آلسا قوربت ائللره، یورقون شئپه‌لر ایله سورونسم ساحلینه، سیرر ائتسن منی، اورگینده ائو وئرسن منه ایسته‌دیقین اولکه کیمین قوروسان. یاغیش یاغیش یاغسان گونلومه، باغبان اولسان بوداقلاندیرسان چیچکله‌ندیرسن منی... بیزیم ائلرده یازین سئسین ائشیدیرم گوچموش گورچینلریمین دونوشونو ائشیدیرم بو آخشام... قانادلارینین سئسی گئلیر سطیرلیریمدن بو صاباح. سنی آلماقا گئله جم. ائشیدیرم سنی، اوزوم اینجه اینجه ساحیلینده‌کی مونجوقلاری اوخشاییر، دنیزین اللری هدیه ائتمه‌کده‌دیر منی، توت گوزلرینده، یوم اللرینده، صاباحا آز قالیر. چای آخیر، گون دوغدوغوندا، آیلا من بیرله شیرم، بالیق اولورام، سن آخدیقجا منی دنیزلره گوتورورسن. یول اولورسان یولجو اولورام. یئل اولورسان قاناد اولورام. قاناد اولورسان قوش اولورام، وار اولورسان من اولورام . من دئییل آرتیق سن اولورام .

آنلادیم کی سئنسیزم...

بیری یانیندان گئچیر ...

بیری یانیندان گئچیر

اوزونه باخماق ایسته ییرسن

ایچینده بیر ایستک جانلانیر

آرخاسیجا باخسام منی گورن اولار دئیب ده یولونا داوام وئریرسن.

بو یازیلار سنین دوشونجه ندیر یا یانیندان گئچن اینسانین! اگر گئری قایدیب آردیجا باخسایدین و اوزونو گوره بیلسه یدینُ یانی او دا سنه باخسایدی! سیز بیر دوشونجه بیر حیسی داشیمیش ایکی اینسانسینیز!  هر ایکینیز ده باخماسایدینیز بئله! یینه آینی گونوله صاحاب اولمادیقینیزی هئچ کیم ایسباتلییامازدیر!

یانار سوزلرین ، باخمازسین گوزلرینه! ایچینی بیر سویوق بوز کئسدیقنده اللرینی کوکسونه قویوب یالنیزلیقیندا ایترسین. اوزمان آنلارسین کی یاغیشلار آلتیندا ایسلانمیش بیر مکتوب سان، توخونورسالار سنه یازیلارین سونسوزا گوموله جک. سنین یانیندان گئچن او اینسان کیمیدیر سوروشاجاقسان، اللرین اوشیهجک اورگینه یاخینلاشدیردیقجا. سونرا آینالاردا اینجه چزگیلر سایاجاقسان گوزلرینین اته یینده و گونش ساری تئللرینی آل یاناقلاریندا. بیر گون بلکی اونو بیر داها گوره جکسن دیه اومود ائده جکسن...

او هیچ گورمه دیقین تانیمادیقین سئوگیلی سایدیقین اینسان هر آن یانیندان گئچه بیلیر، دوشونورسن، چکینیرسن اگر! سونسوزا قدر او هیچ گورمه دیقین سئوگیلیی بیر داها گورمیه جکسن! او زمان هیچ نه یتمیه جک ، سسیندن یاس گئلیر... گوزلریندن یاش گئلیر،  

ایچیمده سولارسان... یارپاقلارین توکولور

گوز یاشیم یئتمه ییر

اللریم توتماییر

بیلیرم آجیلار زامانسیز گئلیر

باخ گوزلریمه،

باخ! او درینلرده سن ، قلبیمین لاپ دیبینده سن

توت اللریمدن، گئت گئده روحوم بوغولور

سلاملار سئوگیلیم

سندن اوزاق دوشدوم... سنی بوگون کیرپیکلریم ده گوردوم. یارالی بیر گورچین کیمی بوینونون اینجه سینده گوردوم . سندن اوزاق توشدوم سئوگیلیم... اوزون زاماندیر سنی اونوتدوردولار منه! سنه کوسدوردولر . سنی سوسورسان و منی ایچینده بوقورسان. جانیم سئوگیلیم او سوسلو حیس او گوزل دویغو اویاندی بوگون. سندن اوزاقدوشئلی نئلر یاشادیم هیچ بیلمیرسن کی! داها آرتیق یئرین بیر تک و تکجه آرزولاریمین یانیندا اولاجاقدان گورخو دولور دامارلاریما. سئن نه زامان گئله جکسن سئوگیلیم. منیم داغلارین شاختاسیندان سارالمیش گوزلیم. ای منیم قانادلاری سینیق بولبولوم. یارالی گولوم منی باغیشلا! سنین اینجه سولارلا بئسله دیقیم اوتاقی حیس لره مسکن ائتدیقیم اوچون منی باغیشلا...

‌Büzdan bir dünya içinde

Saçları ağ

Golları boş bir ağacam

Qoynumda bir boş yuva

Bir göçmən quşdan

Qalan xatirə

İlk soyux yelin əsdiğində

İlk son bahar yağmuruyla

Batti varlığının günəşı

Qarlı hava, səsiz axşamlar

Üzün gecələr

Ağaclar vəfasiz güşlarin yuxusuyla yaşamaqda!